Hegglandsvegen 40, Tysnes

← Selg hos oss

Slik fungerer sal utan hylle

Varer plasserte rundt om i butikken: hyller med interiør, eit bord med smykke og ein reol med bøker og leiker
Utan eiga hylle står varene dine rundt om i butikken, saman med resten av utvalet.

Prismodellar

Kor stor provisjonen er, kjem an på kor mykje du gjer sjølv.

25 %
når du gjer alt sjølv: set pris, registrerer varene og plasserer dei i butikken
30 %
når du lagar ei oversikt over kva kvar vare skal koste, og vi registrerer og plasserer
35 %
når vi gjer alt: set pris, registrerer og plasserer varene

  1. Booking

    Du startar med å registrere deg som seljar og booke plass i butikken. I utgangspunktet er det inga grense for kor lenge du kan ha plassen. For enkeltvarer som har stått meir enn seks månader tek vi oss likevel retten til å fjerne dei. Vi tek oss også retten til å fjerne sesongvarer ved behov, så butikken ikkje står full av julevarer i juli. Det handlar om at butikken skal vere levande, og ikkje full av varer som ikkje blir selde.

  2. Prismerking

    Når du sel i butikken, registrerer du varene dine i Din butikk – med mindre du har valt at vi skal gjere det for deg. Alle varer må merkast med prismerke og strekkode, som du skriv ut i butikken.

    Prislapp med hyllenummer, varenamn, pris og strekkode
    Prislappen du skriv ut i butikken. Du legg sjølv inn varenamn og pris når du registrerer varen. Hyllenummer, kundenummer, strekkode og varenummer lagar systemet.

  3. Varene ut i butikken

    Varene blir plasserte ute i butikken. Her er det vi som har siste ordet, og vi kan flytte varer dit vi meiner dei står best.

  4. Følg salet ditt

    Sjekk salet fortløpande i Din butikk, og fyll gjerne på med fleire varer undervegs. Sjå gjerne innom butikken òg. Manglar det varer, har vi kameraopptak litt tilbake i tid. Bli med i Meirbruk – seljargruppa på Facebook, der vi legg ut bilete av varer vi finn utan prislapp, og varer som har blitt liggande eller som bør hentast.

  5. Utbetaling

    To gonger i månaden overfører vi pengane for det som er selt til kontoen din, med provisjonen vår trekt frå. Du får også ein e-post med oversikt over salet og bilag du kan bruke i rekneskapen. Elles finn du oversikt over sal og utbetalingar på kontoen din i Din butikk.

Tips til deg som skal selje

Reint og heilt

Klede og gjenstandar du skal selje, må vere reine, heile og utan lukt.

Prising

Ta på deg brillene til kjøparen når du set prisen. God kvalitet til låg pris sel best.

Vis fram varene dine

Del det du sel i sosiale medium, så aukar sjansen for sal.

Tenk sesong

Det er freistande å rydde ut etter ein sesong, men erfaringa vår er at sesongvarer sel best når sesongen startar, ikkje når han er over. Men du bestemmer sjølv.

Klar til å prøve?

Plassen bestiller du direkte på nett. Har du spørsmål før du bestemmer deg, er det berre å ta kontakt.

Bestill plass i butikken Spør oss først